الى هذا الذى طار .. فوقع

فى بلادنا طيبه الاصل عميقه الجذور موحشه المنظر .. بنعيش
مبنسألش نفسنا بنعيش ليه ولا ازاى ولا فين .. الى ان وصلنا اننا نسينا يعنى اى عيشه !
هل العيشه هى اننا ناكل ونشرب ان امكن وننام ونشتغل وشويه هوا وخلاص !
ولا العيشه انك تقضيها كل يوم بدون اى تحمل للمسئوليه !!
فكرت تسئل نفسك يعنى اى عايش !! او ليه !!
انت عايش لمجرد العيشه .. حلمك سراب اسود .. بيقع منك ..
بطاقتك دليل وجودك مش صوتك .. 
قلبك دليل وجعك مش حبك
انت بتضحك ع البواخه .. علشان تضحك
وبتشمت ف الضحايا .. علشان شبهك
انت معدوم .. بس عايش !! 
تفتكر دى عيشه اصلا !!
فتح عينك كويس .. ابنك هيبقى زيك .. 
زى منت نسخه من اهلك ف احباطهم ويأسهم .. 
انت بتشارك ف جريمه اليأس
قوم نفض ترابك من فوق هدومك .. وكل ما تقع قوم .. واتنفس حلم ..
بالله عليك حاول تعيش .. مجرد المحاوله بس