سنه .. !!

قال الكلام ده ثم حط التاب ..
الغياب هو الغياب
والذكرى ف قلوب الصحاب .. أبقى
أبقى انهارده معاكو .. بكره مش هبقى
والدنيا سابقه بخطوه .. كل الناس !!
حتى انا ..
قفشت نفسى من يومين بضحك
وانت مكملتش يا صاحبى ف التراب .. اول سنه 
اتنسيت زى اللى قبلك !
حلمت بعديها ببنطلون مسلفهولك وساعه صالون
عقاربها ابتدت تاكلك !
ففضلت اراجع م الصور شكلك !
حتى هدومك نسيت الريحه
عارف ..
ما اعرفش خايف اصدق انى ابتديت انساك !
ولا ان بكره هتنسى زيك !! :'-(